Sterling diskuton me Cityn për kontratën e re
“Citizens” e kanë ndërmend ta “blindojnë” sulmuesin anglez me një kontratë afatgjate. Trajneri Pep Guardiola e konsideron Sterlingun si lojtar mjaft të rëndësishëm për ekipin e tij
Manchester City po planifikon ta “blindojë” Raheem Sterlingun. “Citizens” e kanë bërë gati një kontratë afatgjate, përmes së cilës do t’i siguronin për disa vite shërbimet e sulmuesit anglez.
Lajmin e ka bërë të ditur mediumi britanik “The Sun”. Spekulimet për një largim të tij të mundshëm ishin shtuar me transferimin rekord të Jack Grealish nga Aston Villa.
Sidoqoftë, trajneri Pep Guardiola e sheh përfaqësuesin anglez si njërin prej lojtarëve kryesorë të ekipit dhe nuk dëshiron ta humbasë atë. Për Sterlingun spekulohej se interesim kishin shfaqur gjigantët spanjollë.
(Kosova Sot Online)