Prishtina – Llapi, betejë për Superkupë

  • A.P /
  • 17 August 2021 - 15:11
Prishtina – Llapi, betejë për Superkupë

Kampioni aktual do të përballet sonte me fituesin e Kupës së Kosovës, do të përdoret për herë të parë në futbollin kosovar sistemi VAR

Prishtina dhe Llapi do ta kërkojnë sonte trofeun e parë të sezonit të ri. Kampioni dhe fituesi i Kupës do të përballen në mes vete në ndeshjen e Superkupës së Kosovës,

Kryeqytetasit vijnë të motivuar nga eksperienca e shkëlqyeshme në garat evropiane. Ata i bënë disa ndryshime në ekip së fundmi, por objektivi i tyre nuk ndërron – e duan trofeun e çmueshëm sonte. Nga ana tjetër, ekipi i Tahir Batatinës e kërkon trofeun e parë të Superkupës në histori të tij.

Llapjanët e provuan këtë verë eksperiencën evropiane duke luajtur në Conference League. Kur ballafaqohen këto dy ekipe, gjithmonë fituesi është i paqartë. Pra, llapjanët kanë ditur t’i prishin punë kohë pas kohe ekipit të Zekirija Ramadanit.

Vlen të theksohet se sonte për herë të parë në futbollin kosovar do të përdoret sistemi VAR. Ndeshja ndërmjet Prishtinës dhe Llapit do të luhet sonte në stadiumin “Fadil Vokrri” duke filluar nga ora 20:45. 

(Kosova Sot Online)