Lexoni edhe:
Mërgim Berisha shënon sërish për Fenerbahcen
Xavi: Barcelona e ka humbur modelin e lojës
Xavi e ka pranuar se Barcelona e ka humbu modelin e lojës së klubit, pas një fitoreje aspak bindëse kundër Elches në fundjavë.
Barça i dha fund një ecuri prej tri ndeshjeve pa fitores duke e mundur 3:2 Elchen në Camp Nou të shtunën, falë golave nga Ferran Jutlga Blanc, Gavi dhe Nico Gonzalez.
Goli i fitores i Gonzalezit erdhi pasi skuadra e Xavit e kishte çuar dëm një epërsi prej dy golave.
Pas ndeshjes, Xavi e kritikoi mbrojtjen e vet dhe tha se Barcelona duhet ta kthejë modelin e lojës së vet tradicionale.
“Ne e kemi humbur modelin e lojës (së Barcelonës) dhe duhet ta kthejmë atë. Shumica e lojtarëve nuk e kuptojnë pozitën në të cilën luajnë”, tha Xavi.
“Nuk kam qenë këtu gjashtë vjet dhe ka gjëra që më kanë habitur taktikisht. Nuk kam qenë këtu, prandaj s’e di kush është përgjegjës për këtë, por kjo po na e vështirëson punën”, shtoi ai.
Barça është e shtata në La Liga, tri pikë larg vendit të katërt, Rayo Vallecano.
(Kosova Sot Online )
