Ancelotti e dëshiron transferimin e yllit të Atletico Madridit

Real Madrid raportohet se është duke shqyrtuar mundësinë për transferimin e Joao Felixit.

22-vjeçari ka ende kontratë të vlefshme me Atletico Madridin, por spekulimet rreth të ardhmes së tij po vazhdojnë ende

Manchester Unitedi u raportua se bëri ofertë për të në afatin kalimtar të verës, por që u refuzua nga klubi spanjoll.

Tani, sipas “Fichajes”, Real Madridi po vëzhgon nga afër situatën e portugezit në “Wanda Metropolitano” dhe mund të bëjë një lëvizje për të verën e ardhshme.

“Los Blancos” thuhet se duan te nënshkruajnë me një sulmues pasi dështuan në transferimin e Kylian Mbappes dhe Erling Haalandit, teksa Felix admirohet shumë nga trajneri, Carlo Ancelotti .

Karim Benzema mendohet se është në prag të nënshkrimit të një vazhdimi të kontratës, por Real Madridi nuk ka opsione tjera për qendërsulmues, gjë që mund ta shtyjë klubin për të nënshkruar me një sulmues.

Felix ka kontratë të vlefshme me Atletico Madridin deri më 30 qershor 2026.

(Kosova Sot Online)