Ziyech do të largohet nga Chelsea
Po zgjerohet çdo ditë e më shumë lista e pretendentëve për ta transferuar Hakim Ziyechin.
Sipas portalit “Fichajes”, gjatë verës që vjen ylli maroken do të largohet nga Chelsea.
Futbollisti ofanziv ishte pranë transferimit në Paris Saint-Germain në janar, por gjithçka dështoi në momentet e fundit për shkak të disa problemeve me dokumentacione.
Sidoqoftë, ish-futbollisti i Ajaxit i ka bërë valixhet gati dhe do të largohet nga Londra në fund të këtij sezoni.
Krahas PSG-së, në garë për të është futur edhe Bayern Munichu..
Nëse arrin një ofertë e kënaqshme për lojtarin, “Blues” janë të gatshëm ta dëgjojnë atë pasi nuk llogarisin në shërbimet e tij për të ardhmen, duke e pasur parasysh se kanë transferuar shumë futbollistë dhe të tjerë që do të marrin gjatë verës.
Ziyech pëlqehet edhe nga Milani në Itali, ndërsa gjëja e vetme e sigurt është se ai nuk do të qëndrojë më në “Stamford Bridge”.
(Kosova Sot Online)