Dembele dhe Barcola vendosin fitoren

Paris Saint-Germain ka regjistruar një fitore të pastër 3-0 në shtëpi ndaj Lille, në kuadër të javës së 18-të të Ligue 1, duke marrë një avantazh të rëndësishëm në krye të tabelës.

Ndeshja nisi me Lille që kërkonte surprizën, ku Olivier Giroud goditi traversën në minutën e dytë dhe Ethan Mbappé provoi një shans të shpejtë, por portieri Lucas Chevalier refuzoi golin.

Vendasit reaguan shpejt: në minutën e 13-të, Dembele shënoi pas një pasimi të saktë nga Vitinha, duke vendosur PSG në epërsi 1-0.

Në pjesën e dytë, parisienët kontrolluan lojën dhe në minutën e 64-të, Dembele shënoi edhe golin e tij të dytë personal dhe të ndeshjes, duke e dërguar rezultatin në 2-0 me një gjuajtje mjeshtërore mbi portierin Berke Ozer.

Fitorja u kompletoi nga Bradley Barcola, i cili vulosi rezultatin përfundimtar 3-0.

Me këtë fitore, kampioni në fuqi i Evropës mbetet lider i tabelës me 42 pikë, dy më shumë se Lens, por me një ndeshje më pak të zhvilluar. PSG duket se po forcon avantazhin e saj në garën për titullin në Ligue 1. 

(Kosova Sot Online)