Surpriza speciale e Marinës për ditëlindjen e Getoarit
Marina Vjollca ka surprizuar bashkëshortin e saj Getoar Selimi për ditëlindje mesnatën e kaluar!
Sot reperi i njohur feston 38-vjetorin dhe në mesin e suksesit të madh të këngës së re “Zhytem” nuk mund të mungonte festa e ditëlindjes!
Ka qenë Getoari ai i cili ka publikuar disa pamje nga festa që iu bë dje surprizë nga partnerja e tij Marina, e cila i kishte përgatitur edhe një tortë të veçantë.
Geti i mbështetur në një shishe shampanje me gotën në dorë, një pamje gati e njëjtë me atë që shfaqet në klipin e ri me Majk.
Në tortë shkruhet titulli i këngës “Je t’aime” dhe urimi i ëmbël “edhe 100 dashuri”!
“Faleminderit për këtë tortë të mrekullueshme dashuria ime”, shkruan Getoari në postim.
Urimi special nuk ka munguar as nga Marina e cila shkruan në Instagram: “Gëzuar ditëlindjen bashkëshorti im i dashur, heroi im, mashkulli im i bukur. Doja të të uroja më të mirat, por ti tashmë më ke mua. S’ka nevojë”.
“Jam me fat”, ia kthen Getoari.
Më pas Geti ka publikuar edhe pamjet e një ambienti të arreduar me tullumbace dhe zemra të kuqe, që me sa kuptojmë është pjesë e surprizës që i organizoi Marina!
Reperi së fundi po shijon suksesin e këngës “Zhytem” (Je T’aime), në bashkëpunim me Majk, dhe sot që flasim ka arritur gati 2 milionë klikime në YouTube.
(Kosova Sot Online)
