Lexoni edhe:
Brikena shpërthen ndaj Mateos: Mos e përmend më familjen time
Bebe Rexha gati për një bashkëpunim të ri
Bebe Rexha, ka vendosur të hapë një kapitull të ri në karrierën e saj muzikore, duke zgjedhur rrugën e pavarur dhe duke hyrë në një partneritet strategjik me shtëpinë diskografike dhe distribuese Empire, me seli në Bay Area të Shteteve të Bashkuara, transmeton gazeta "Kosova Sot Online".
Ky bashkëpunim vjen pas një periudhe të gjatë dhe të suksesshme nën Warner Records, ku Rexha publikoi tre albume dhe firmosi disa nga hitet më të mëdha të dekadës së fundit, përfshirë “Meant to Be”, “I’m A Mess”, “Me, Myself, and I”, “In the Name of Love” dhe megahitin global “I’m Good (Blue)”. Gjatë karrierës së saj, ajo ka bashkëpunuar me artistë të njohur ndërkombëtarisht si David Guetta, Lil Wayne, J Balvin, Doja Cat, Snoop Dogg, Kylie Minogue dhe Louis Tomlinson, duke ndërtuar një profil të fortë global.
Lajmi për marrëveshjen e re u bë publik nga vetë Rexha në rrjetet sociale, në përgjigje të një fansi, duke konfirmuar se “era e saj e re” artistike tashmë ka nisur. Edhe pse detajet financiare të kontratës nuk janë zbuluar, partneriteti me Empire përshkruhet si një hap drejt autonomisë më të madhe kreative dhe një zgjerimi të mëtejshëm të ndikimit të saj ndërkombëtar.
(Kosova Sot Online)
