Nga tani në Instagram mund të postohen fotografi edhe nga kompjuteri

  • E.K /
  • 28 June 2021 - 09:37
Nga tani në Instagram mund të postohen fotografi edhe nga kompjuteri

Rrjeti i njohur social, Instagram, ka lëshuar veçorinë e re të postimit të fotografive nga uebfaqja në versionin desktop. Kjo konsiderohet arritje e madhe, pasi deri tash rrjeti social mundësonte postimin vetëm përmes pajisjeve mobile.

Kompania ka konfirmuar opsionin duke thënë se po e teston në gjithë botën.

Megjithatë, duke nisur nga kjo javë, disa përdorues kanë nisur të shpërndajnë fotografi duke treguar se në versionin e kompjuterit tashmë është shtuar butoni nga i cili mund të bëhen postime të fotografive.

Lëvizja e Instagramit e bën tash dizajnin e këtij rrjeti social edhe më të ngjashëm me Facebookun.

(Kosova Sot Online)