Bugatti EB110 GT është një mundësi për koleksionistët e pasur

G.G /
14 July 2021 - 09:41

Adhuruesit e pasur të veturave Bugatti tani kanë mundësinë të zotërojnë një pjesë të historisë.

Gati 25 vjet pasi operacionet e Bugatti përfunduan në 1963 dhe rreth 40 vjet para se kompania të bashkohej me Rimac, biznesmenit italian Romano Artioli iu dhanë të drejtat për të themeluar Bugatti Automobili S.p.A. Ishte mesi i viteve 1980 dhe me ndihmën e një ekipi inxhinierësh dhe dizajnerësh nga Maserati, Ferrari dhe Lamborghini, Italiani ringjalli markën luksoze franceze.

Bugatti zhvilloi vetura moderne sportive që krijuan një epokë të re dhe prodhimi filloi të zhvillohej në një fabrikë të re në Modena.

Paraqitur para Pallatit të Versajës më 15 dhtator 1991 në 110 vjetorin e lindjes së Ettore Bugatti, super vetura EB110 GT “shpërtheu” në skenë falë formës së trupit të saj dhe dyerve të gërshërëve. Vetura kishte një shasi karboni monokok, karrocë me motor dhe aerodinamikë aktive.

EB110 GT ishte mundësuar nga një motor qu12 turbo 3.5-litërsh (60v) V12 që zhvilloi 553 kuaj/fuqi dhe 612 Nm çift rrotullues. Ai ishte i shoqëruar me një kambio manual me 6 shpejtësi që transmetonte fuqinë në të katër rrotat. Vetura përshpejtoi nga 0 në 100 km/h në 3.4 sekonda, ndërsa shpejtësia e saj maksimale ishte 341 km/h.

Pavarësisht numrave premtues dhe teknologjisë inovative, vetëm 139 vetura u prodhuan përpara se Bugatti të mbyllte dyert për shkak të krizës ekonomike globale.

Sidoqoftë, Buggatti EB110 GT Prototipi i vitit 1994, i pikturuar në blu Bugatti, aktualisht është në dispozicion për shitje përmes Copley Motorcars, dhe pjesa e brendshme është e veshur me lëkurë gri të lehta. Para se të importohej në SHBA, vetura ishte pjesë e një koleksioni privat dhe u restaurua dhe iu shit një blerësi nga Zvicra në 2000. Një nga 139 të prodhuara, ky prototip me numrin e motorit 00041, ka udhëtuar pak më shumë se 1.000 kilometra dhe është në gjendje të përsosur.

Çmimi nuk është i shënuar, por është i disponueshëm sipas kërkesës. Mostra të tilla normalisht shiten midis 700 mijë dhe një milion dollarë.

(Kosova Sot Online)