Lexoni edhe:
Pas rikthimit të Facebook, Instagram, WhatsApp – vjen reagimi i Mark Zuckerberg
Ndërprerja më e gjatë e Facebook-ut ishte dje, zbulohet se sa zgjati
Pas një ndërprerjeje mëse gjashtë orëshe Facebook tha se shërbimet e tij janë rikthyer në funksion.
Miliarda përdorues kishin probleme në qasje në Facebook dhe aplikacionet që janë në pronësi të kësaj kompanie, ËhatsApp, Messenger dhe Instagram.
Facebook tha më 4 tetor se “shërbimet në internet po kthehen”, por mund të duhet një kohë për t’i hapur ato plotësisht. Kompania me bazë në SHBA, u kërkoi falje përdoruesve për problemet.
Kjo është ndërprerja më e gjatë ndonjëherë, sipas grupit të monitorimit të ueb faqeve, Doëndetector.
Ndërprerja filloi pasditën e së hënës (4 tetor). Sistemet e brendshme që përdoren nga punonjësit e Facebook gjithashtu ranë nga sistemi, duke e komplikuar problemin.
“Problemet që ndërprenë këtë komunikim u shkaktuan në ruterët që koordinojnë trafikun e rrjetit midis qendrave tona të të dhënave”, tha Facebook.
Gati 3 miliardë e njerëz e përdorin Facebook, Instagram, Messenger dhe ËhatsApp për të komunikuar dhe reklamuar, dhe, në disa raste, hyjnë në shumë uebfaqe të tjera.
Ndërprerja nxori në pah faktin se sa shumë është e mbështetur bota në Facebook dhe teknologjinë e tij.
(Kosova Sot Online)
