Facebook shton një veçori të re

  • E.K /
  • 23 July 2022 - 09:40
Facebook shton një veçori të re

Dje Facebook bëri të ditur se do të ketë një ndryshim substancial në aplikacionin e tyre. Fillimisht, “feedin” kryesor që ju e shihni kur e hapni aplikacionin tani quhet “Home”, gjë që ka kuptim dhe ka ardhur pak si vonë si përditësim shkruan GSMArena. Por ky nuk është lajmi kryesor.

Lajmi kryesor është se tani ka një skedë të shtuar në aplikacion, e cila u quajt Feeds. Tani kjo skedë do t’i rendit postet në rend kronologjik – ashtu siç bënte Home përpara se të futej në përdorim algoritmi.

Skeda “Feeds” ka disa filtra të veta, mund ta rregulloni në atë mënyrë që t’i shihni të gjitha ose vetëm postet e miqve tuaj, grupeve, faqeve ose edhe prej listave të preferuara – kjo është një listë e rregulluar ku ju i futni miqtë dhe faqet e juaja që ju interesojnë më së shumti.

Veçoria e re

Sa për skedën Home, Facebook tani po e pozicionon atë më shumë si një “motor i zbulimit i cili ju mundëson juve të gjeni dhe ndiqni përmbajtje të re dhe krijues sipas rekomandimeve”.

E kundërta e saj është skeda Feeds në të cilën ju futeni në mënyrë për t’u qasur tek përmbajtja e njerëzve dhe komuniteteve me të cilat ju veçse jeni lidhur. Nuk ka poste në të cilat shkruan “E sugjeruar për ty”.

Skedat e reja Home dhe Feeds kanë filluar që të shfaqen nga sot për një pjesë të vogël të përdoruesve të Facebook si në iOS po ashtu edhe në Android. Pritet që deri në javën tjetër këto skeda t’u ofrohen të gjithë përdoruesve.

(Kosova Sot Online)