Ja sekreti viral për të lexuar mesazhe

  • A.P /
  • 16 March 2023 - 14:39
Ja sekreti viral për të lexuar mesazhe

Nëse përdorni shumë WhatsApp, atëherë ndoshta ka raste kur nuk dëshironi të hapni një mesazh sepse do të duket sikur është hapur dhe lexuar. Pra, nëse nuk dëshironi që personi me të cilin po bisedoni të dijë se ju keni hapur mesazhin e tij, atëherë truku i mëposhtëm do të jetë jashtëzakonisht i dobishëm.

Disa mesazhe dihet se lexohen pa hapur aplikacionin, vetëm nga njoftimi i tyre, por në rast se përmbajtja e mesazhit është e madhe, nuk do të mund t’i lexojmë të gjitha.

Nëse në çdo rast dëshironi ta hapni mesazhin pa e parë bashkëbiseduesi juaj, atëherë ka një mënyrë për ta bërë këtë falë një truku të thjeshtë që nuk është i ri, por ditët e fundit është bërë sërish viral në internet pasi shumë përdorues kanë gjetur zgjidhjen sa herë që nuk duan t’i përgjigjen një bisede të padëshiruar.

Thjesht për ta zbatuar atë, duhet të shtoni miniaplikacionin WhatsApp në ekranin tuaj fillestar, i cili do të shfaqë mesazhet pa e hapur aplikacionin, transmeton gazeta “Kosova Sot Online”. Gjithçka që duhet të bëni është të shtypni gjatë në ekran, të zgjidhni nga menuja e miniaplikacioneve dhe më pas të zgjidhni miniaplikacionin 4 x 1 WhatsApp.

Pasi të instalohet në ekranin bazë, do të shfaqet një listë e mesazheve të fundit me më shumë tekst. Sa herë që përdorni këtë mënyrë për të lexuar mesazhet, ato nuk do të regjistrohen si “të lexuara” në aplikacion.

Truku i zgjuar funksionon vetëm në Android dhe është koha ta provoni herën tjetër që do të merrni një mesazh të cilit nuk dëshironi t’i përgjigjeni pa u dukur i vrazhdë.


(Kosova Sot Online)