Lexoni edhe:
Fifi reagon pasi diskotekat ia kanë 'mbyllur' derën për të kënduar
Ja cilat janë faqet e internetit më të vizituara në botë
Google, YouTube, Facebook, Instagram dhe Twitter janë faqet më të vizituara në internet dhe përdoren nga 64.9 për qind e popullsisë së botës.
Me më shumë se një miliard faqe interneti aktive në mbarë botën, tre të reja hapen çdo sekondë dhe Google, YouTube, Facebook, Instagram dhe Twitter janë faqet më të vizituara në internet.
Sipas platformës së dizajnimit dhe zhvillimit të faqeve të internetit Siteefy, rreth 10,500 faqe interneti hapen çdo orë në mbarë botën, 175 faqe çdo minutë dhe tre faqe çdo sekondë, transmeton gazeta “Kosova Sot Online”.
Ndër faqet e internetit në mbarë botën, 18 për qind (afërsisht 202 milionë) përdoren në mënyrë aktive, dhe rreth 252,000 faqe të reja krijohen çdo ditë.
Bazuar në të dhënat nga similarweb.com, google.com është faqja më e vizituar në botë, e ndjekur nga youtube.com, facebook.com, instagram.com dhe twitter.com.
Kur bëhet fjalë për kohëzgjatjen mesatare të vizitës, përdoruesit shpenzojnë rreth 10 minuta e 38 sekonda në Google, 20 minuta e 25 sekonda në YouTube, 10 minuta e 43 sekonda në Facebook, tetë minuta e 22 sekonda në Instagram dhe 10 minuta e 47 sekonda në Twitter. .
Sipas të dhënave nga kompania gjermane për mbledhjen e të dhënave Statista, në prill 64.9 për qind (5.18 miliardë) e popullsisë së botës përdorën internetin dhe 59.9 për qind (4.8 miliardë) përdorën rrjetet sociale.
Evropa Veriore ka normat më të larta të aksesit në botë. Vendet me aksesin më të lartë në internet janë Norvegjia, Arabia Saudite dhe Emiratet e Bashkuara Arabe, të gjitha me 99 për qind.
Azia kryeson me numrin e përdoruesve të internetit me 2.93 miliardë, e ndjekur nga Evropa me 750 milionë përdorues.
(Kosova Sot Online)
