Po dilni me personin e zemrës? Këto janë 3 shenja për të kuptuar nëse e keni gjetur “të duhurin”

Romanca e vërtetë është një gjë e rrallë për t’u gjetur këto ditë, me kaq shumë aplikacione njohjesh dhe marrëdhënie me ritme të shpejta, bëhet e vështirë ta dish nëse në të vërtetë po takohesh me personin e duhur.

Të gjitha marrëdhëniet kërkojnë përpjekje dhe ndërsa ne do të donim ta shihnim tjetrin me sytë tanë, mund të hyni dhe në debate herë pas here, kjo është arsyeja pse është e rëndësishme të jeni në gjendje të mirëkuptoheni.

Sipas Kate Moyle, një psikoterapiste e marrëdhënieve, aftësia për të “negociuar dhe gjetur rrugën e mesme” është një mënyrë për të ditur nëse do të keni një marrëdhënie afatgjatë.

Kushtojini vëmendje mënyrës sesi ndiheni kur jeni me partnerin tuaj. A ndjeni nevojën për ta kënaqur atë apo e bëni njëri-tjetrin të ndihet mirë me vetveten pa u munduar?

Trajneri i takimeve, James Preece, zbuloi se një marrëdhënie e mirë krijohet kur të dy ndiheni të sigurt, duke bërë komplimente dhe duke fuqizuar njëri-tjetrin në një mënyrë pozitive. Pra, nëse filloni të keni mendime të dyta për ndjenjat tuaja, mund të mos jetë lidhja e duhur.

Nuk duhet të ndryshoni vlerat tuaja thelbësore, në vend që të përshtateni me dikë, duhet të jeni me një person që ndan qëllimet tuaja të jetës dhe që përpiqet të shkojë në të njëjtin drejtim si ju. Mos harroni se partneri i duhur është dikush që është i gatshëm të jetë një skuadër me ju dhe t’ju ndihmojë të arrini gjëra të mëdha.

(Kosova Sot Online)