E bukur apo jo?! 5 mitet false të bukurisë

Make up është kthyer në një rutinë të përditshme të shumë femrave. Është një ritual që na bën të ndihemi mirë fizikisht, por edhe emocionalisht. Por në botën e të bukurës qarkullojnë mitetë cilat shpeshherë na bëjnë të ngremë dyshime rreth asaj që po bëjmë.

Zbuloni cilat janë mitet më false në botën e kozmetikës, si dhe ndryshoni mendimin tuaj rreth tyre .

1.Buzëkuqi i kuq nuk u shkon të gjithave : Ky është një mit fals. Të gjitha femrat mund të përdorin buzëkuq, mjafton të zgjidhni nuancën e duhur.

2. Vetullat duhet të jenë dy tone më të errëta sesa flokët : Ky rregull vlen vetëm për ato femra që kanë flokë në ngjyrë mjalti ose krem karameli. Femrat brune duhet të shmangin vetullat shumë të errëta pasi i bëjnë të duken më të egra në fytyrë.

3. Buzët tuaja do të duken më të plota nëse i mbikonturoni disa herë me laps buzësh : Mbikonturimi me laps buzësh i bën buzët të duken shumë articifiale. Provoni të aplikoni fondatinë ose shkëlqyes buzësh në zonën që njihet si harku i Kupidit të buzës. Buzët tuaja do të duken më të plota dhe shumë sensuale.

4.Nuk keni përse t’i lani furçat e make up-it nëse i përdoni vetëm ju : Pavarësisht ‘’pronares’’ të ligjshme ose jo të furçave të make up-it , ju duhet t’i lani ato. Përdorimi i gjatë në kohë dhe kontakti me lëkurën bën që të akumulojnë shumë baktere. Ju mund t’i lani me ujë dhe sapun të lëngshëm që i përshtatet pH-t të lëkurës suaj. Një mënyrë shumë ekonomike është dhe larja tradicionale me ujë të vakët dhe të verdhe veze.

5.Produktete kozmetike nuk skadojnë kurrë : Kjo është mëse e gabuar. Edhe produktet kozmetike ‘’vdesin’’ një ditë. Prandaj mundohuni të ripërtërini herë pas here çantën tuaj të bukurisë dhe të hidhni produket që mbani prej kohësh.

(Kosova Sot Online)