Gabimet që po bëni kur lani flokët

  • G.G /
  • 09 nëntor 2020 - 09:28
Gabimet që po bëni kur lani flokët

Kur ta mendoni, larja e flokëve është gjëja më e thjeshtë që një person mund të bëjë. Por ka disa gabime që nuk e keni kuptuar që po bëni, që çojnë në tharje dhe dedihidrim të flokëve tuaj.

Cilat janë ato?

Përdoni shampo më shpesh se që duhet.

Sipas ekspertëve mjekësorë, përdorimi i shamponit sa herë që lani flokët nuk është e nevojshme për t’i mbajtur ato të pastra.

Shpëlarja e flokëve me ujë disa herë në javë është e mjaftueshme për të hequr papastërtitë e dukshme. Vendosja e shamponit ka arsye thjesht kozmetike, dhe shkuma e pasur që krijon mund të heqë vajin nga flokët tuaj. Vaji është thelbësor për flokët e shëndetshëm, pasi i mban të lagur dhe i mbron nga dëmtimet.

Nuk shpëlani flokët sa duhet ose përdorni tepër sasi të shampos

Shpëlarja e flokëve tërësisht për të paktën një minutë para se të vendosni shampon ndihmon në heqjen e mbetjeve nga produkti i fundit i kujdesit për flokët që keni përdorur. Lagia e plotë e flokëve para se të vendosni shampon është një hap thelbësor për t’i larë ato në mënyrë efektive.

Nëse flokët tuaj janë të lagur nga lart poshtë, shampoja do të shkumëzojë më mirë dhe do të përhapet në mënyrë më të barabartë. Kjo gjithashtu do t’ju ndihmojë të përdorni më pak shampo kur lani flokët.

Po aplikoni shampo edhe në maje të flokëve.

Nëse jeni duke aplikuar shampo në rrënjë dhe pastaj duke shtuar ca më shumë në pjesën tjetër të flokëve tuaj, mund të dëmtoni majat. Rrënjët janë shpesh më të yndyrshmet, dhe ju duhet të vendosni shampo në lëkurën e kokës sesa në majat e flokëve tuaj. Majat e flokëve zakonisht janë më të thata, dhe larja e tyre me shampo do t’i bëjë ato të duken edhe më të dehidratuara.

Po lani flokët me ujë të nxehtë.

Temperatura më e mirë e ujit për larjen e flokëve është e vakët. Larja e flokëve me ujë të nxehtë mund të bëjë që flokët tuaj të thyhen lehtë dhe të dobësojnë rrënjët. Uji pak i ngrohtë ndihmon në hapjen e kutikulave të flokëve dhe flokët thithin vajin dhe efektet hidratuese më mirë të kondicionerit.

Ju po aplikoni kondicioner në lëkurën e kokës.

Vendosja e kondicionerit në lëkurën e kokës do t’i bëjë rrënjët tuaja gjithnjë e më të yndyrshme. Janë flokët tuaj dhe majat ato që kanë më shumë nevojë për hidratim. Vendosja e kondicionerit në ose afër kokës tuaj mund të bllokojë gjëndrat e flokëve, duke ngadalësuar rritjen e flokëve dhe duke rritur prodhimin e vajit.