Lexoni edhe:
Arbana Osmani na tregon diçka për herë të parë
A e dini se edhe kjo zonë e fytyrës ka nevojë për krem dielli?
Përdorimi i kremrave kundër diellit është thelbësor në dimër dhe në verë gjatë ditës.
Sigurisht që në verë kur rrezet e diellit janë më të forta, nuk duhet të harrojmë asnjëherë aplikimin e shpeshtë për të shmangur ndonjë djegie.
Edhe pse shumica e njerëzve tani e dinë rëndësinë e kremit kundër diellit në fytyrë dhe trup, shpesh nuk arrijnë të mbulojnë çdo vend. Hulumtimet madje kanë treguar se zakonisht lëmë rreth 10% të fytyrës sonë pa mbrojtje nga dielli, duke përfshirë sytë, veshët dhe buzët.
Veçanërisht për këtë të fundit, shumica i harrojnë, duke menduar gabimisht se nuk kanë nevojë për mbrojtje të veçantë, por kjo zonë e veçantë është shumë e ndjeshme dhe shëndeti i saj ndikohet fuqishëm nga kushtet mjedisore gjatë gjithë vitit, pasi është gjithmonë e ekspozuar ndaj tyre.
Shtresa e jashtme e lëkurës së buzëve është e hollë, ndërsa kjo zonë ka pak melaninë, pigmentin që ndihmon në mbrojtjen nga dielli. Përveç kësaj, kur nuk aplikojmë produktet e duhura, kolagjeni në buzë mund të ndryshojë për shkak të ekspozimit në diell, transmeton gazeta “Kosova Sot Online”.
Pra, për të shmangur djegiet dhe për t’i mbajtur ato të shëndetshme dhe të lëngshme, duhet të aplikojmë një produkt të veçantë me indeks mbrojtës nga dielli gjatë ditës. Mos e neglizhoni, asnjëherë.
(Kosova Sot Online)
