Telegram ngushëllimi i Shoqatës 'Trojet e Arbrit" me rastin e vdekjes se studuiesit Mërgim Xhevat Korça
Sa herë që në jetën e amshuar na shkojnë studiuesit ne si shoqatë që kemi punuar tash e 22 vite e ndiejmë një dhimbje të madhe në shpirt. Ndihmë dhimbeje të madhe edhe për studiesin tonë Mërgim Korça i cili në moshën 94 vjeçare kaloi në amshim. Jeta e Mërgim Korçës ishte një jetë që përfshinte Mërgimin dhe tokën e Arbërisë. Ai u lind në Mërgim në Graz të Austrisë më 30 dhjetor 1932. Siç shkruan shkrimtari dhe studiuesi Visar Zhiti, Mërgimi familjarisht mërgon për në SHBA, tek i vëllai Genci, në Michigan. Nisi një jetë të re dhe një pasion të ri. Në të gjashtëdhjetat zotëron gjuhën angleze," në një moshë kur shumëkush mendon të ngadalësojë ritmin, ai përqafoi një thirrje të dytë si shkrimtar, analist dhe ligjërues publik… ai u shndërrua në një publicist të mprehtë, duke sjellë qartësi dhe guxim në tema shpesh të mjegulluara nga ideologjitë. Përtej shkrimeve të tij, Mërgim Korça njihej për humanizmin e tij të ngrohtë, ndershmërinë intelektuale dhe bindjen e palëkundur se historia duhet të shqyrtohet jo përmes ideologjisë, por përmes fakteve dhe analizës kritike". Mërgim Korça një kohë të gjatë dha kontributin shkencor te Shoqata" Trojet e Arbrit" ku botoi dhjetra shkrime. I bënte analiza të përpikta Kanunit te Lekë Dukagjinit,shkruante për personalitetet e mëdha të Shqipërisë Etnike. Po ashtu botonte edhe tema për historinë e Gjergj Kastriotit pa harruar edhe Mustafa Krujen, Prekë Calin, Kapidan Gjon Marka Gjonin, Kapidan Mark Gjon Markun, dhe shumë atdhetarë të tjerë. Mirpo ai ishte mishëruar shumë në jetën dhe veprën e At Gjergj Fishtës. Për shkak të moshës ai nuk mund të merrte pjesë fizikisht kur e mbajtëm në Prishtinë një sesion shkencor më 30 korrik 2016, për At Gjergj Fishtën,megjithatë ia patëm mundësuar një prezantim të veçantë prej 45 minutave, përmes një videos që na pati dërguar për këtë eveniment shkencor.Bënte analiza të holla të shumë ngjarjeve historike, këtë ia mundësonte edhe leximi i madh që i bënte literaturës shkencore si dhe dokumenteve të ndryshme, pasi që ishte njohës i shumë gjuhëve botërore.Gjatë bisedave të shpeshta telefonike dhe komunikimit përmes emailit shihej qartë se e kishte një brengë në zemër. Ajo brengë ishte vdekja në grevë urie e babit të tij ish Ministrit të Arsimit në kohën e Shqipërisë Etnike Xhevat Korça.
Shoqata "Trojet e Arbrit" me dhembje e ngushllon familjen e Mërgim Korçës me shprehjën tradicionale shqiptare:Zoti ju laftë shnosh!
Në emër të Shoqatës " Trojet e Arbrit" ,familjes dhe miqve të Mërgim Korçës i ngushëllon Nue Oroshi Kryetar
(Kosova Sot Online)
