Shqetësuese: Nga ndotja e ajrit vdesin mbi 4 mijë njerëz çdo ditë në Kinë (Foto&Video)
Ndotja e ajrit është duke u bërë problem serioz anë e mbanë botës, e veçmas në vendet e zhvilluara. Besohet se ndotja është shkaktari më i madh i vdekjeve, madje më i madh se sa AIDS, malaria, kanceri i gjirit, apo turbekulozi, transmeton lajmi.net.
Një studim i ri në Kinë ka matur nivelin e ndotjes së ajrit për katër muaj në çdo orë në rreth 1500 qytete. Ky studim ka nxjerr edhe hartën e ndotjes në Kinë, që tregon se cilat janë vendet më të ndotura.
Në përputhje edhe me të dhënat paraprake, studimi tregon se ndotja më e madhe gjendet në lindje të Kinës, por ndotje të lartë ka edhe në disa pjesë të perëndimit dhe Kinës qendrore.
Në batë të këtyre rezultateve, nxjerrët konkluzioni se ndotja e ajrit shkakton rreth 1.6 milion vdekje brenda një viti në Kinë. Respektivisht, ky rezultat përfshinë 17% të vdekjeve të përgjithshme në këtë vend.
Autorët e këtij studimi: Robert Rohde dhe Richard Muller, thonë se metoda e tyre e studimit duhet të implementohet edhe në vendet tjera të botës, duke bërë kështu që edhe vendet tjerë, ashtu sikurse edhe Kina, të nxjerrin të dhënë reale dhe transparente rreth kualitetit të ajrit në vendet e tyre.
Më poshtë mund t’i shikoni disa fotografi dhe video në lidhje me këtë temë, ndërsa mund të Klikoni këtu për të lexuar studimin e plotë