Menduan se instrumenti muzikor ishte pushkë, izolohet stacioni i trenit
Panik dhe tollovi e madhe në hekurudhat e Australisë, të enjten në mëngjes.
Kjo pasi që policia evakuoi një stacion të trenit në Melburn, pasi që instrumenti muzikor i një performuesi të rrugëve gabimisht u mendua që ishte pushkë.
Policia duke mbajtur mburojë të trupit dhe të pajisur me armë të gjata iu përgjigj një thirrjeje, për gjoja një njeri të armatosur në stacionin e trenit Flagstaff, diku rreth orës 8.30. Kjo shkaktoi vonesa të shumta në udhëtime, shkruan Fox News.
Raportimi për një njeri të armatosur doli të ishte një alarm i rrejshëm, pasi që ishte vetëm një performues i rrugëve i cili po përgatitej të luante me instrumentin e tij muzikor. Instrumenti muzikor vendas quhet “didgeridoo”, dhe ka një formë të çuditshme.
Djaloshi që u ndal gabimisht nga policia më vonë u tha gazetarëve se ai ishte liruar shpejt.
Policia deklaroi se asnjë armë zjarri nuk u gjet në stacionin e trenit dhe qarkullimi iu kthye normalitetit.
(Kosova Sot)