Shoferi amerikan i Tesla-s xhirohet duke fjetur gjatë vozitjes
Në internet është publikuar një fotografi shqetësuese, në të cilën një vozitës i veturës “Tesla” shihet duke fjetur në kohën kur automjeti ishte në lëvizje në një rrugë të ngarkuar me vetura në Shtetet e Bashkuara.
Pamjet janë xhiruar nga Alisha Gallon në rrugën “Interstate 5” të Los Angeles-it. Videoja më pas u publikua në Twitter nga bashkëshorti i saj gazetar, Clint Oliver, i cili tha se ky është një fenomen shqetësues.
Në video, Oliveri është duke vozitur fillimisht prapa veturës “Tesla”, ndërsa kur veturat barazohen në dy shirita të ndryshëm, gruaja e tij dëgjohet duke thënë: “Ai është tërësisht i fjetur, kjo është çmenduri”.
Vozitësi shihet me duar të vendosura mbi gjoks në vend se t’i kishte në timon. Sidoqoftë, në fund të videos, ai zgjohet dhe e kap timonin me duar.
Aftërsia vetëvozitëse e Tesla-s ua mundëson vozitësve pushimin e pjesshëm, sepse vetura mund të drejtojë rrotat, të përshpejtojë dhe të frenojë në mënyrë automatike, por gjithmonë nën mbikëqyrjen e shoferit.
Sipas ligjit të Kalifornisë, personat që vozisin vetura me mundësi të vetëvozitjes nuk e kanë të ndaluar të flenë, por ata mund të arrestohen, nëse vlerësohet se e kanë rrezikuar veten apo të tjerët, shkruan “Sky News”.
(Kosova Sot Online)