Podujevë: Lëndohen dy persona në vendin e punës
Mëngjesin e sotëm, dy persona janë lënduar në vendin e tyre të punës në Podujevë
Rastin e ka konfirmuar zëdhënësi i Policisë së Kosovës, Bajram Krasniqi.
“Policia sot rreth orës 09:00 ka pranuar informacion se dy punëtorë janë lënduar në vendin e tyre të punës në Podujevë. Të lënduarit fillimisht janë dërguar në Qendrën e Mjekësisë Familjare në Podujeve, e më pas janë transferuar në QKUK” ka thënë Kransiqi.
Krasniqi ka shtuar se në vendin e ngjarjes kanë dalë policia dhe Inspektorati i Punës.
(Kosova Sot Online)