“Mos ma drejto automatikun” Momenti kur Rama bën për të qarë fëmijën
Kryeministri Rama ka vizituar këtë të enjte Krujës si dhe një sërë familjes të Thumanës që kanë ardhur për t’u strehuar pas tërmetit që u prishi banesat.
E teksa fliste për tërmetin me qytetarët, në një moment Rama i drejtohet një fëmije (Bujarit) duke i thënë “mos ma drejto mua automatikun” (një lodër). Pavarësisht se me shaka, Rama i ka folur me një ton të fortë, duke bërë që fëmija të qajë.
Pjesë nga biseda
Rama: Mos ma drejto mua automatikun, ç’e ke atë automatic
Djali: Është lodër…
Rama: Ç’a lodre mer, si më drejton mua automatikun
Gratë: Është Bujari vogël ore, e ka lodër
Rama: Hajde këtu me mua hajde…!
Por djali i vogël ikën duke qarë pasi u tremb nga të bërtiturat e kryeministrit.
Rama: Hajde more këtu, hajde! Hajde te shoku jot…
Gratë: U prek, në nga Kruja jemi të ndjeshëm. U mërzit djali.
Rama: Hajde more këtu! Të mërzita? Më fal! Më fal pra tani…
(Kosova Sot Online)