Ndodh në SHBA, gruaja lind foshnjën në parkingun e spitalit

  • E.K /
  • 30 qershor 2020 - 23:22
 Ndodh në SHBA, gruaja lind foshnjën në parkingun e spitalit

Një grua në SHBA, ka sjellë në jetë foshnjën e saj në parkingun e një spitali në Florida. Kjo ngjarje e pabesueshme ka ndodhur në sytë e policisë dhe partnerit të Susan Anderson, Joseph, i cili po përpiqej që të dërgonte gruan me sa shpejtësi të mundej për në spital.

Në kamerën e sigurisë së spitalit shikohet Susan së bashku me Joseph në parking dhe papritur fëmija lind në duart e mamisë Sandra Lovaina, e cila ka përvojë të madhe në këtë fushë. E habitshme është fakti që gruaja gjeti forcën dhe pas lindjes u drejtua me këmbët e saja për në spital.

“Foshnjat ndonjëherë lindin shumë shpejt. Nuk janë të pakta rastet kur kemi sjellë në jetë foshnje në parking. Fatmirësisht e gjitha shkoi mirë, vajza gëzon shëndet të plotë po ashtu e nëna”, u shpreh Sandra Lovaina.

(Kosova Sot Online)