22 në gjendje të rëndë, 301 pacientë me COVID-19 nëpër spitale

Në QKUK dhe spitalet publike janë të shtrirë 301 pacientë me Covid-19, ka njoftuar Shërbimi Klinik Spitalor i Kosovës.

“Nga numri prej 301 pacientëve, 22 janë në gjendje të rënduar me përkujdesje intensive”, thuhet në njoftim.

Në një njoftim për media thuhet se në klinikat e QKUK-së dhe 7 spitalet publike nën menaxhim të Shërbimit Spitalor dhe Klinik Universitar të Kosovës, sipas raportit të datës 11 Korrik 2020, ka të shtrirë 301 pacientë të konfirmuar me Covid-19 pozitiv.

“Prej tyre 186 në QKUK dhe 115 në spitalet e përgjithshme. Nga numri i përgjithshëm i pacientëve, 184 janë në oksigjenoterapi, 132 në QKUK dhe 52 në Spitalet e Përgjithshme”, thuhet në njoftim.

(Kosova Sot Online)