Kjo është gruaja që vdiq sot derisa aeroplani po ateronte
Raportohet se një rast i rëndë ka ndodhur mbrëmë në aeroplanin që u nis nga Baseli i Zvicrës për në Kosovë, pasi një grua e moshuar pësoi infarkt dhe fatkeqësisht vdiq, transmeton gazeta "Kosova Sot Online".
Bëhet fjalë për Hajrije Alia, 75-vjeçare, nga fshati Gadime e Ulët në Lipjan.
E moshuara pësoi infarkt derisa aeroplani po ateronte, por që asnjëri prej udhëtarëve nuk u lejua nga stafi që për t’ia dhënë ndihmën e parë. I mllefosur, sinjalizuesi tha se u deshën të presin ekipin e mjekëve derisa intervenuan.
Lajmin e ka konfirmuar edhe Policia Rajonale në Prishtinë.
“Është raportuar se viktima femër kosovare derisa ishte duke fluturuar në arritje nga Zvicra, i është keqësuar gjendja shëndetësore dhe pasi është kontrolluar nga ekipi mjekësor është konstatuar vdekja e viktimës. Me vendim të prokurorit, trupi i pajetë i viktimës është dërguar në IML për obduksion.”
(Kosova Sot Online)