Irani shënon rekord të viktimave të koronavirusit për periudhën 24-orëshe
Ministria e Shëndetësisë e Iranit ka njoftuar se për 24 orë në këtë shtet nga koronavirusi kanë vdekur 235 persona.
Kjo është shifra më e lartë ditore e viktimave të koronavirusit në Republikën Islamike që nga fillimi i përhapjes së virusit të ri, shkruan “The Guardian”.
Me rastet e reja, numri i përgjithshëm i viktimave shkoi në 16,147, ndërsa janë infektuar më shumë se 257 mijë persona.
Irani është vendi më i prekur nga koronavirusi në Lindjen e Mesme dhe një ndër shtetet me numrin më të madh të rasteve në tërë kontinentin e Azisë.
Presidenti iranian, Hassan Rouhani, disa ditë më parë i bëri thirrje popullit për respektim të distancës sociale dhe masave të tjera gjatë festës së Kurban Bajramit.
#Iran's Health Ministry spokeswoman Sima Sadat Lari said on Tuesday that some 235 more Iranians have died from #coronavirus disease (#COVID19) over the past 24 hours bringing the total deaths to 16,147 https://t.co/IPduBwsoYl pic.twitter.com/dcBTjhPwtO
— IRNA News Agency (@IrnaEnglish) July 28, 2020
(Kosova Sot Online)