Lexoni edhe:
Nënkryetari i LDK’së për Vjosa Osmanin: Udha e mbarë i qoftë
Bajram Geci, po ndjen lehtësim pasi Vjosa Osmani tha se nuk është më në LDK
Zyrtari i Lidhjes Demokratike e Kosovës, Bajram Geci, po ndjen lehtësim pasi Vjosa Osmani tha se nuk është më në LDK.
Përmes një postimi në llogarinë e tij në Facebook, Shefi i Kabinetit të Agim Veliut, ka thënë se është lehtësim kur mund t’i thuash “udha e mbarë të qoftë” një pengese/barre, duke aluduar kështu për Osmanin.
“Çfarë lehtësimi (what a releif) për të hequr qafe një pengesë/barrë aq të madhe dhe kur përfundimisht mund t’i thuash “udha e mbarë të qoftë” (apo jo)!”, ka shkruar Gecaj.
Për deklartatat e Osmanit ka reaguar edhe nënkryetari i Lidhjes Demokratike të Kosovës, Haki Rugova. Ai ka thënë se partisë mund t’i bëjë hair largimi i Vjosa Osmanit.
Kryetari i Istogut thotë se kjo është zgjedhje e vetë Osmanit, por nëse do të shkojë, “udha e mbarë i qoftë”
Rugova ka deklaruar se Osmani ka rënë ndesh me vendimet e organeve të LDK’së, prandaj edhe është shkarkuar nga pozitat udhëheqëse që mbante në parti.
“Ajo është larguar nga postet udhëheqëse në parti, pasi ka ra ndesh me vendimet e organeve të LDK’së, qoftë me Këshillin apo Kryesinë e partisë. Bazuar në statutin e partisë, kjo është arsyeja e largimit të saj nga pozitat që ka pasur. Ne të gjithë i kemi mendimet tona, por kur merren vendime me shumicë votash duhet të respektohen, ajo nuk i ka respektuar”, ka deklaruar Rugova.
E për mundësinë bashkëpunimit të Osmanit me ndonjë parti tjetër, apo formimin e një partie të re, Rugova tha se nëse ky është vullneti i saj, “udha e mbarë i qoftë”.
“Unë besoj se i bën hair, nëse është vullneti i saj, udha e mbarë i qoftë. Ne mbrapa nuk e kthejmë”, ka deklaruar nënkryetari i LDK’së.
Ndryshe, Kryetarja e Kuvendit të Kosovës, Vjosa Osmani, sot ka deklaruar se është shumë vonë për partinë e Isa Mustafës të kërkojë më mbështetje nga ajo në rast të zgjedhjeve të parakohshme.
“Natyrisht që po, përgjigja konkrete e saj është vendimi i tyre i 20 qershorit për t’më përjashtuar. Aty ka përfunduar gjithçka”, tha ajo.
Osmani ka përmendur edhe mundësinë e bashkëpunimin me të parin e VV’së, Albin Kurtin.
Ajo tha se ky bashkëpunim do të konkretizohet më vonë.
“Ne jemi në kontakt dhe bisedojmë për tema të ndryshme të bashkëpunimit, e se si do të konkretizohet ky bashkëpunim në të ardhmen do t’iu njoftojnë në momentin që do të konkretizohet”, tha Osmani.
Vjosa Osmani është shkarkuar nga pozita si nënkryetare e LDK’së dhe anëtare e Këshillit të Përgjithshëm, më 20 qershor të këtij viti.
Kryesia e LDK’së kishte deklaruar se shkarkimi i Osmanit kishte ndodhur për shkak të mospërputhjes së qëndrimeve të saj me partinë.
(Kosova Sot Online)
