Lexoni edhe:
Shpërthen Behluli: Marre ju qoftë bre horra me nga shtatë e tetë rroga mujore - aramtë hajnash
VV akuzon kryeministrin Hoti se dështoi në të gjitha fushat
Lëvizja Vetëvendosje po e akuzon kryeministrin Avdullah Hoti se ka dështuar në të gjitha fushat gjatë qeverisjes së deritanishme
Partia e Albin Kurtit konsideron se 100 ditët e qeverisjes nga Hoti ishin“100 ditë nënshtrim, dështim, keqmenaxhim, regres, dorëzim. 100 ditë jolegjitime dhe të paligjshme”.
“Nga qeverisja e mirë legjitime që luftonte krimin e korrupsionin, menaxhonte mirë me pandeminë dhe e nisi çkapjen e shtetit u kontrabandua një qeverisje jolegjitime e paligjshme që ju hap Serbisë, menaxhoi në mënyrë katastrofale me pandeminë dhe rifilloi kapjen e bordeve e ndërmarrjeve publike ashtu siç di vetëm klubi i politikanëve të stërvjetëruar”, thuhet në reagimin e LVV-së të postuar në faqen zyrtare në rrjetin social Facebook.
Për kritika ndaj Qeverisë Hoti, LVV-ja ka përdorur titujt e mediave, lidhur me parregullsitë që e kanë përcjellë ekzekutivin e vendit gjatë kësaj periudhe.
(Kosova Sot Online)
