Lexoni edhe:
Autobusi me futbollistë bie në lumë, 6 të vdekur dhe 30 të lënduar
Zhduket në rrethana misterioze 12-vjeçarja
Një ngjarje e rëndë është regjistruar në qytetin e Durrësit, ku një vogëlushe 12-vjeçare është larguar nga banesa në rrethana ende të paqarta.
Ka qenë nëna e të miturës e cila ka rrëfyer ngjarjen e pazakontë në “Fax News”, ku e bija u largua në mesnatën e 17 majit pa asnjë gjurmë.
Nëna e saj, e cila banon në lagjen nr. 4 në Durrës, pranë qendrës së qytetit, ka thënë se e mitura ndodhej tek gjyshja e saj, teksa ka dalë nga dritarja e banesës.
Ajo ka thënë:
Jam një nënë nga Durrësi. Kam një háll shumë të mádh, më është zhdùkur vajza 12-vjeçare nga shtëpia që në të gdhirë të së dielës, në datën 17 Maj të javës së kaluar. Doja ta publikoja nëpërmjet jush. Inicialet e vajzës janë I. V. Ju lutem ju lutem shumë publikojeni.
Shtëpia e të miturës ndodhet në afërsi të Pallatit të Kulturës në Durrës, në katin e parë të një ndërtese dy-katëshe.
Pasi ka kaluar fiks një javë që nga zhdukja e saj, familja është alarmuar, pasi nuk ka asnjë gjurmë apo informacion për fatin e 12-vjeçares.
(Kosova Sot Online)
