Lexoni edhe:
Mos i lëndoni: Prindërve u del gjumi natën nga meraku për fëmijët dhe u kur i kanë të martuar
Ky është personi që dyshohet se u qëllua për vdekje sot nga Policia në Prizren
Besnik Shala i njohur me nofkën “Qorri” u vra sonte nga policia në “Lagjen e Trimave” në Prizren, pasi fillimisht rezistoi arrestimin duke gjuajtur me armë zjarri në drejtim të policëve.
Policët në vetëmbrojtje iu kundërpërgjigjën me armë zjarri “Qorrit” dhe si pasojë e plumbave të shkrepur prizrenasi pësoi plagë vdekjeprurëse.
Policia njoftoi se ai po kërkohej për veprën penale “Tentim vrasje”, ndërsa raportohet se viktima Besnik Shala, dyshohet se ditë më parë kishte plagosur vëllain e tij.
Por, kush është Besnik Shala – Qorri dhe me çka lidhet e kaluara e tij?
Përveç veprës penale të lartëcekur nga policia, mësohet se emri i viktimës lidhet të paktën me tri vepra të tjera penale.
Sipas burimeve të Gazetës Sinjali ai dyshohet se në të kaluarën ka kryer veprat penale, “Vjedhje e rëndë”, “Armëmbajtje pa leje” si dhe dyshohet për “kontrabandim të narkotikëve”.
Persona të afërt me viktimën thanë se ai ishte i dhënë edhe pas fesë islame.
Në vendin e ngjarjes është gjetur një armë e zjarrit-pistoletë, me të cilën dyshohet se “Qorri” ka shtënë në drejtim të zyrtarëve policorë si dhe dy granata dore.
(Kosova Sot Online)
