Lexoni edhe:
Ministri Abrashi intervenon në rrugën ku ishin lënduar 4 nxënës nga aksidentet
Heqja e Kosovës nga lista e karantinës, vjen reagimi i IKSHP’së
Zvicra ka vendosur që nga 28 shtatori ta heq Kosovën nga lista e karantinës. Kjo nënkupton se kushdo që shkon prej Kosovës në Zvicër, nuk do të ketë nevojë që të izolohet për 10 ditë, sikurse që kanë qenë të obliguar deri tash.
Pas këtij lajmi ka reaguar edhe Instituti Kombëtar i Shëndetësisë Publike të Kosovës.
Përmes një postimi në faqen zyrtare, IKSHP’ja se kjo gjë është arritur me punën dhe angazhimin e të gjithëve.
“Kosova në Zvicër pa përkufizime COVID-19! Me punë due angazhim të të gjithëve!”, thuhet në postim.
Ndryshe, Zyra Federale e Shëndetit Publik në Zvicër sot ka aktualizuar listën e vendeve me rrezik për koronavirusin.
Me riaktualizimin e fundit, karantina është e detyrueshme për 59 shtete, regjione dhe bashkësi të shteteve. Më 11 shtator ishin 51 shtete dhe regjione të kësaj kategorie
Lista e re do të hyjë në fuqi të hënën, 28 shtator, siç është njoftuar nga BAG. Kushdo që hyn nga një prej vendeve të rrezikut duhet të jetë në karantinë për dhjetë ditë.
(Kosova Sot Online)
