Lexoni edhe:
Dy motrat marrin për burra dy të moshuar për t’u marrë tokat dhe pasurinë
Gjykata Speciale konfirmon arrestimin e Gucatit, s’e tregon arsyen
Zyra e Prokurorit të Specializuar ka lëshuar një komunikatë për media, pas arrestimit të kreut të Organizatës së Veteranëve të Luftës së Ushtrisë Çlirimtare të Kosovës, Hysni Gucati.
Në komunikatë nuk është përmendur arsyeja e arrestimit të Gucatit.
“Hysni GUCATI u arrestua sot në Kosovë nga Zyra e Prokurorit të Specializuar në bazë të një fletarrestimi dhe urdhri për transferim, të lëshuara nga një gjykatës i procedurës paraprake i Dhomave të Specializuara të Kosovës”, nis komunikata.
“Sipas Ligjit për Dhomat e Specializuara dhe Zyrën e Prokurorit të Specializuar, policia në kuadrin e Zyrës së Prokurorit të Specializuar ka autoritetin dhe përgjegjësinë që të ushtrojë kompetencat që i janë dhënë policë së Kosovës sipas ligjeve të Kosovës. Në Ligjin për Dhomat e Specializuara dhe Zyrën e Prokurorit të Specializuar gjithashtu përcaktohet se personi kundër të cilit Dhomat e Specializuara kanë lëshuar fletarrestim, merret në ndalim”, thuhet më tej.
“Misioni i Bashkimit Evropian për Sundimin e Ligjit në Kosovë (EULEX) dha mbështetje operative dhe logjistike për ZPS-në, në pajtim me mandatin e vet dhe me legjislacionin e Kosovës. Edhe Policia e Kosovës (PK) dha mbështetje operative për ZPS-në”, vazhdon komunikata.
“Informacion i mëtejshëm do të jepet në kohën e duhur”, përfundon njoftimi.
(Kosova Sot Online)
