Lexoni edhe:
Kryeparlamentarja Vjosa Osmani tregon bukuritë e Kosovës në ditën ndërkombëtare të turizmit
Trump: Liderët e Kosovës dhe Serbisë u përqafuan në Zyrën Ovale
Gjatë një tubimi zgjedhor në Pensilvani, presidenti i Shteteve të Bashkuara, Donald Trump, ka thënë se udhëheqësit e Kosovës dhe Serbisë janë përqafuar në Zyrën Ovale, kur shkuan për ta nënshkruar marrëveshjen e 4 shtatorit.
President Trump: "I should've gotten at least 7 or 8" Nobel Prize nominations. pic.twitter.com/TA1chFjM0a
— The Hill (@thehill) September 27, 2020
“Unë ju thashë: pse po luftoni e po e vrisni njëri-tjetrin. Ata kanë shumë dallime, përfshirë dallimin fetar, ma merr mendja, dhe ju thashë “çfarë po bëni”, tha kreu i Shtëpisë së Bardhë.
“Unë ju thashë: të bëjmë një marrëveshje, të bëjmë paqe ekonomike dhe përfundimisht paqe. Ata erdhën në zyrën time, në Zyrën Ovale, për të nënshrkuar. Ata përqafoheshin, ishte një gjë e bukur për t’u parë, ne shpëtuam shumë jetë”, shtoi ai më tutje.
Këto fjalë mund t’i dëgjoni në videon e mëposhtme nga minuta 2:30.
Ai foli edhe për nominimin për Çmimin Nobel për Paqe, duke thënë se i ka thënë bashkëshortes së tij që do të kthehet herët në shtëpi për t’i shikuar lajmet në televizor, sepse do të jetë një mbrëmje e bukur, duke pritur që do ta shihte lajmin për nominimin, por një televizion, të cilin e akuzoi për lajme të rreme, nuk e kishte dhënë atë lajm.
“Unë do të duhej t’i kisha marrë 7 nominime për Nobel, por (ata që përhapin) lajmet e rreme kurrë nuk i vendosin në televizion”, tha ai.
(Kosova Sot Online)
