Grenell: Shqiptaro-amerikanët e bënë të qartë, do të votojnë për Trumpin

  • A.P /
  • 29 tetor 2020 - 22:44
Grenell: Shqiptaro-amerikanët e bënë të qartë, do të votojnë për Trumpin

Ndërmjetësuesi special për Kosovën dhe Serbinë nga Administrata Trump, Richard Grenell, ka thënë se ka siguruar mbështetjen e shqiptaro-amerikanëve në Detroit.

Grenell e ka bërë të ditur nëpërmjet një cicërime në Twitter se përfaqësues të bizneseve dhe liderëve religjioz ia kanë bërë të qartë se do e votojnë kandidatin republikan, Donald Trump.

“Në Detroit, duke biseduar me përfaqësues të bizneseve dhe krerë fetar shqiptar. Ata ma bënë të qartë se shqiptaro-amerikanët do e votojnë @realdonaldtrump”, ka thënë Grenell.

Zgjedhjet në SHBA do mbahen më 3 nëntor. Përveç Donald Trump, do kandidojë edhe Joe Biden, i cili momentalisht po prin në sondazhet e realizuara nga mediumet amerikane.

(Kosova Sot Online)