Lexoni edhe:
Gjinekologu kosovar: Shtatzënave nuk do t’u jepet vaksina COVID-19
Arbër Tolaj: Ligji për personat me aftësi të kufizuara nuk zbatohet nga institucionet publike e private
Sot në Kuvendin e Kosovës është duke u mbajtur debat parlamentar për gjendjen e të drejtave të personave me aftësi të kufizuara në Republikën e Kosovës.
Deputeti nga radhët e Aleancës për Ardhmërinë e Kosovës (AAK), Arbër Tolaj tha se në Kosovë jetojnë mbi 200.000 persona me nevoja të veçanta, pra 10 % e popullatës së përgjithshme në vend.
“Personat me nevoja të veçanta nuk kanë qasje të barabartë në arsim, punësim, shëndetësi, shërbime sociale dhe mbështetje juridike”, tha Tolaj.
Ai më tej, ka folur për të drejtat e personave me aftësi të kufizuara.
“Askush nuk mund të diskriminohet në bazë të racës, ngjyrës, gjinisë, gjuhës, fesë, mendimeve politike, prejardhjes kombëtare apo shoqërore, aftësisë së kufizuar ose ndonjë statusi tjetër personal”.
“Në Kosovë ekziston ligji për aftësimin dhe riaftësimin profesional dhe punësimin e personave me aftësi të kufizuara, por ky ligj nuk po zbatohet as nga institucionet private e as nga ato publike, edhe pse i obligon që të punësojnë një person me nevoja të veçanta në çdo 50 të punësuar”, shtoi ai.
(Kosova Sot Online)
