Lexoni edhe:
Qytetarët të mobilizuar me shpresën e fundit për një Qeveri të re me duar të pastra, pa krim e pa korrupsion!
Detaje të reja për vrasjen e 23-vjeçarit në Mitrovicë
Policia e Kosovës ka njoftuar lidhur me rastin që ndodhi mbrëmë në qytetin e Mitrovicës.
Sipas njoftimit të policisë dy persona kanë shtënë me armë zjarri në drejtim të 3 personave të tjerë, e ku si pasojë e plagëve të marra një prej tyre ka ndërruar jetë.
Sipas policisë të dyshuarit gjenden në arrati.
“Rr. Bislim Bajgora, Mitrovicë 12.02.2021-22:19. Është raportuar se dy të dyshuar meshkuj kosovarë e kanë qëlluar me armë zjarri tri viktimat meshkuj kosovarë. Dy prej tyre janë dërguar në QKUK për trajtim mjekësor ndërsa personi tjetër ka ndërruar jetë, vdekjen e të cilit e ka konfirmuar ekipi mjekësor i Spitalit Rajonal Mitrovicë. Njësit relevante kanë dalë në vendin e ngjarjes ku është vërejtur se dy vetura janë të dëmtuara nga predhat e shkrepjes së armës. Të dyshuarit gjenden në arrati”, thuhet në njoftimin e policisë.
Mehmet Kurti po raportohet se është 23-vjeçari nga Mitrovica që u qëllua për vdekje mbrëmë në vendin e tij të punës.
Ngjarja e rëndë sipas policisë ka ndodhur rreth orës 22:20 minuta.
Deri më tani nuk dihet shumë për motivet dhe prapavijën e këtij rasti.
(Kosova Sot Online)
