Lexoni edhe:
Isa Mustafa e Fatmir Sejdiu emërohen pjesë e grupit këshilldhënës të LDK-së
Ish-presidenti francez, Nicolas Sarkoz, të mërkurën do të paraqitet prapë në gjykatë. Ai akuzohet për financim të paligjshëm të fushatës zgjedhore të vitit 2012. Paraqitja e tij e re në gjykatë vjen më pak se tri javë pasi u dënua për korrupsion dhe ushtrim të ndikimit.
Prokurorët dyshojnë se partia e Sarkozit, atëherë e njohur si UMP, e ka shpenzuar gati dyfishin e 22.5 milionë eurove të lejuara sipas ligjit zgjedhor në shpenzime për fushatë dhe më pas shfrytëzoi një agjenci për marrëdhënie me publikun për ta fshehur shumën.
Isa Mustafa e Fatmir Sejdiu emërohen pjesë e grupit këshilldhënës të LDK-së Lexoni edhe:
Në aktakuzë, prokurorët pranojnë se nga hetimet kanë dështuar të dëshmojnë se Sarkozy ka përfituar nga skema ose që ka qenë i përfshirë në të, por pretendojnë se ai ka përfituar prej saj dhe ka qenë i vetëdijshëm për ekzistimin e saj.
“Kandidati për zgjedhje dhe rrethi i tij i brendshëm vendosën që ta përqendrojnë fushatën në tubime spektakolare dhe të shtrenjta dhe t’ia besojnë organizimin agjencive specialiste”, thuhet në aktakuzë.
Sarkozy vazhdimisht i ka mohuar akuzat dhe ka thënë se nuk ka qenë i vetëdijshëm për procesin e faturave të rreme. Nëse shpallet fajtor, ai mund të dënohet me 1 vit burgim dhe deri në 3.750 euro gjobë, shkruan Reuters.
(Kosova Sot Online)