Lexoni edhe:
Rrëfimi për vrasjen në Pejë, flet djali i viktimes: Arsimtari na ka rujtë me sakicë te banesa
Si ndodhi që mësuesi vrau prindin e nxënëses në Pejë!
Një muaj pasi u dënua për sulm seksual ndaj nxënëses, mësuesi qëllon për vdekje Gëzim Kastratin.
Kishte hyrë në këtë lokal që të konsumojë pije.
Gëzim Kastrati që ishte banor i kësaj lagje këtu do të haste mësuesin e vajzës së tij, Xhevdet Januzajn.
Që të dy të armatosur, ia mësyjnë njërit-tjetrit.
Fillimisht, dyshohet se Kastrati ia drejtoi armën Jonuizajt, por ajo nuk i shkrepi, e më pas Januzaj kishte shtënë me rreth 7 plumba në drejtim të tij.
Këto të shtëna do të rezultonin fatal për Gëzim Kastratin i cili ndërroi jetë në vendngjarje.
I gjithë ky konflikt mes tyre daton nga dhjetori i vitit 2019.
Në ditën e premte të 27 dhjetorit të atij viti, mësuesi i lëndës se Fizikës, Xhevdet Januzaj që ishte edhe kujdestar i klasës e kishte sulmuar seksualisht nxënësen e tij 13 vjeçare.
E njëjta kishte arritur të largohej nga mësuesi, e duke qarë kishte shkuar në banesë për t’i lajmëruar familjarët e saj.
Në atë kohë, vëllai i saj kishte shkuar në shkollë e në prezencë të nxënësve të tjerë ishte përleshur me mësuesin.
Mësuesi ishte arrestuar nga Policia e Kosovës ku kishte qëndruar një muaj në paraburgim.
Pas kësaj kohe, ishte dënuar me 3 vite e 6 muaj burgim, por që ishte lënë në arrest shtëpiak.
Por që nga ajo kohë, sipas djalit të viktimës, dorasi do t’i kërcënonte me jetë atë e babain e tij.
Ky ka treguar edhe gjendjen e motrës së tij, ku thotë që një kohë është në gjendje të rëndë emocionale.
Djali i viktimës e sheh fajtor edhe Policinë e Kosovës që nuk ka reaguar kur e ka raportuar rastin në Polici babai i tij.
Dëshmitar i gjithë këtij rasti ishte edhe puntori i lokalit, i cili tani më e ka lajmëruar pronari e lokalit që nuk mund të punojë më pasi qe i ka ndikuar keq përjetimi i këtij rasti.
Ndërsa, pak metra nga lokali, gjendet edhe banesa e viktimës.
Banorët e lagjes shprehen të tronditur nga rasti, ndërsa më të shokuar thonë që janë fëmijët që ishin duke luajtur jashtë në momentin e vrasjes.
Hetimet rreth këtij rasti janë duke u zhvilluar edhe nga Prokuroria Themelore në Pejë.
(Kosova Sot Online)
