Zyrtarët në Afganistan: Talebanët po i rrëmbejnë fëmijët e luftëtarëve të rezistencës

Talebanët dyshohet se po rrëmbejnë fëmijët e atyre që marrin pjesë në rezistencën e organizuar kundër tyre, në male dhe lugina në veri të Kabulit. Kjo është ajo që raportojnë katër zyrtarë, të cituara nga mediat ndërkombëtare. Khair Mohammad Khairkhëa, ish -shefi i inteligjencës në provincën Balkh, Abdul Ahmad Dadgar, një udhëheqës tjetër i kryengritjes dhe dy zyrtarë të tjerë anonimë thonë se luftëtarët sulmuan shtëpitë, duke i djegur ato, ndërsa i merrnin fëmijët.

Lexoni edhe:

OKB ndez alarmin: Rrezikohet katastrofë humanitare në Afganistan, duhet mobilizim, ose do të jetë vonë

Në veri të kryeqytetit një rezistencë e organizuar po lufton nën flamurin e “Revoltës Popullore”. Dhe është pikërisht kundër këtyre rezistencave që, sipas zyrtarëve, “hakmarrja” e talebanëve po fillon. Rezistenca në malet dhe luginat në veri të Kabulit ka bërë që një grup luftëtarësh anti-talebanë të marrin kontrollin e disa rretheve rurale. Luftimet shpërthyen në provincën Baghlan, rreth 120 kilometra në veri të Kabulit.

Forcat e organizuara nën flamurin e “Revoltës së Popullit” morën nën kontroll tre rrethe rreth Luginës Andarab, të vendosura në vargmalin Hindu Kush në afërsi të Al Panshir, e vetmja provincë që nuk është ende nën kontrollin e talebanëve.

(Kosova Sot Online)