Lexoni edhe:
PZAP e gjobitë me 5 mijë Euro LDK-në, kjo është arsyeja
E quajti hut kundërkandidatin, Lladrovci ankohet për kohën e shkurtër të replikës
Kandidati për kryetar të Drenasit nga PDK, Ramiz Lladrovci, pasi e quajti kundërkandidatin e tij, Driton Ajazin, “o hut”, u ankua për kohën e shkurtër të replikës.
Lladrovci fillimisht shprehi keqardhje për mënyrën si u zhvillua dhe si u mbyll debati. Kjo për shkak se sipas tij, nuk pati kohë mjaftueshëm për t’u përgjigjur në çdo cështje.
Tutje, Lladrovci premtoi padi për shpifje pas zhvillimit të debatit.
“Tregoju qytetarëve. Ja ke marrë kohën qe 1 vit gjithë qytetarëve për 500 metra rrugë. E ki tmerruar Drenasin plus sot ai projekt ka mbet se ta kanë palu Gjykata”, tha Driton Ajvazi nga Demokratët për Drenasin.
“Gjithçka është mashtrim”, theksoi Ajvazi.
“Je ka rren”, ia ktheu Lladrovci.
“11 vjet je analist i kredive nuk je rrit në asnjë pozitë, kontratat negocuese me kompanitë publike i boj unë o hut”, ia ktheu Lladrovci –Ajvazit.
Lladrovci u kritikua se e quajti “hut” Ajvazin.
“Çka me i thanë tjetër sen”, tha reagoi Lladrovci.
“S’nalna që s’nalen këta”, shtoi kryetari aktual.
Më poshtë gjeni reagimin e Lladrovcit:
Qytetarë të komunës së Drenasit,
Shpreh keqardhje për mënyrën si u zhvillua dhe si u mbyll debati në T7.
Nuk është hera e parë që mungon koha e duhur për t’iu përgjigjur çdo gënjeshtre në debat.
Më vije keq, por heshtja e zhurmuesve ishte mënyra e vetme për ta thënë të vërtetën.
Radhës së padive për shpifje, nga ky emision, do t’i shtohet edhe një.
P.S.
Për njërin nga zhurmuesit, me çështje të shpifjes nuk ka të bëjë prokurori i shtetit, e ftoj ta lexojë aktgjykimin e gjykatës.
Me nderime,
Ramiz Lladrovci
(Kosova Sot Online)
