AAK prin në Klinë
Komisioni Qendror i Zgjedhjeve ka përditësuar të dhënat për votat e numëruara deri më tani në komunën e Klinës.
Nga 74.83% të votave të numëruara, në Klinë po prin kandidati i Aleancës për Ardhmërinë e Kosovës, Zenun Elezaj, me 5 mijë e 574 vota, apo 43.26%.
Pas Elezajt renditet kandidati i Partisë Demokratike të Kosovës, Esat Raci, me 3 mijë e 323 vota, apo 25.79%.
Në vendin e tretë renditet Besim Hoti i Lidhjes Demokratike të Kosovës, me 2 mijë e 592 vota, me 20.12%.
Lëvizja Vetëvendosje me kandidatin Lulzim Dragidella renditet e katërta me 1 mijë e 395 vota, apo 10.83%.
(Kosova Sot Online)