Rusia lëshoi më shumë se 480 raketa në Ukrainë thotë një zyrtar i lartë amerikan

Një zyrtar i lartë i mbrojtjes amerikane tha të enjten se Rusia ka lëshuar më shumë se 480 raketa të të gjitha madhësive në Ukrainë që nga 24 shkurti, shkruan CNN.

Rusia ka lëshuar “më shumë se 480” raketa të “të gjitha madhësive dhe vijave” në Ukrainë që nga fillimi i luftës.

“Më shumë se 230” nga ato 480 gjithsej “vinin nga brenda Ukrainës. Ata kanë sisteme celulare, po i zhvendosin brenda”, tha ai.

Më tutje, sipas tij rreth 160 raketa vijnë nga Rusia dhe 70 nga Bjellorusia. E më pak se 10 sipas tij kanë ardhur nga Deti i Zi.

Ndërsa hapësira ajrore mbi Ukrainën “mbetet e kontestuar”, SHBA vlerëson se “sistemet e mbrojtjes ajrore dhe raketore të Ukrainës mbeten të paprekura” dhe “mbeten efektive”, tha zyrtari.

“Ata vazhdojnë të jenë në gjendje të fluturojnë me aeroplanët e tyre dhe të përdorin mjete të mbrojtjes ajrore”, shtoi zyrtari. 

(Kosova Sot Online)