Daçiq lyp vota duke folur kundër Perëndimit e Kroacisë: Ata s’janë gati as për dron, NATO-n e shkatërruam

  • A.P /
  • 14 March 2022 - 16:48
Daçiq lyp vota duke folur kundër Perëndimit e Kroacisë: Ata s’janë gati as për dron, NATO-n e shkatërruam

Ivica Daçiq komentoi rrëzimin e dronit në Zagreb në një tubim parazgjedhor në Beograd.

Kreu i listës zgjedhore të koalicionit të mbledhur rreth Partisë Socialiste të Serbisë deklaroi kështu se kroatët “nuk janë gati as për dron”, duke treguar se si Serbia e kishte sulmuar një avion të NATO-s më 1999.

“Politika jonë është e qartë, ne e shkatërruam NATO-n. Në listën tonë është Zoltan Dani që e rrëzoi F-117 e padukshëm. Ne e rrëzuam të padukshmen, dhe këta kroatët nuk mund ta rrëzojnë këtë dron… Epo, ata nuk janë gati për dron”, tha Daçiq në një tubimin parazgjedhor.

Agjencia kroate e lajmeve, Index, që e përcjell lajmin, shkruan se avioni F-117 të cilin e përmend Daçiqi, u rrëzua gjatë një bombardimeve të NATO-s mbi Serbinë në mars 1999.

Daçiqi është një nga eksponentët më të zëshëm pro-rus në Serbi. Ai shpejt u shpreh kundër vendosjes së sanksioneve ndaj Rusisë.

(Kosova Sot Online)

lajme dieta pa karbohidrate gazetat ditore gazetat e kosoves Kosova Sot Bota Ngjarje Aktualitet perputhen big brother muzike