Lexoni edhe:
Qeveria konfirmon takimin e Kurtit me delegacionin e Shtëpisë së Bardhë
‘Shpella e Fjetur Bukuroshe’, National Geographic shkruan për Shpellën e Gadimes
Mediumi global që tregon për vendet që duhet të vizitohen, National Geographic, i ka kushtuar një artikull Shpellës së Gadimes.
Autori i këtij artikulli, Robert Draper, ka vizituar këtë vend turistik, duke e quajtur Vendin e Shpellës së Fjetur Bukuroshe.
“Dyshemeja e shpellës ishte e lëmuar, por jo e vështirë për t’u kaluar, dhe korridoret e saj gëlqerore të mprehta ishin ndriçuar në mënyrë diskrete me drita jeshile, të verdha dhe të kuqe. Ishte në të njëjtën kohë e ashpër dhe barok, si të hyje në një katedrale madhështore të një hyjnie të lashtë”, thuhet në përshkrimin e shpellës.
Siç tregon autori; Shpella e Bukuroshes së Fjetur, siç njihet sot fenomeni i lashtë gjeologjik i Radavcit, u zbulua për herë të parë në vitin 1968 nga arkeologët serbë. Por nuk do të shfaqej në asnjë hartë të Kosovës, aq më pak do të ishte një destinacion turistik që tërheq deri në 23,000 vizitorë të rritur në vit, po të mos ishin përpjekjet e Fatos Katallozit, 57-vjeçarit në natyrë që mori një nxënëse krejtësisht normale në Bojku dhe e stërviti atë për t’u bërë një njeri shpelle.
“Katallozi është pothuajse i vetëm përgjegjës për vendosjen e Kosovës si një vend kryesor për eksplorimin e shpellave në Evropë. Historia e tij është shumë në përputhje me atë të kosovarëve të tjerë që kanë treguar vendosmëri të jashtëzakonshme në rindërtimin e vendit të tyre të shkatërruar nga lufta gjatë dy dekadave të fundit”, shkruan Draper, transmeton Klankosova.tv.
“Edhe pse Kosova mezi është sa madhësia e Connecticut, ajo është parajsa e vogël e maleve muskuloze dhe rrugëve ujore vezulluese për një adhurues të natyrës. Bota ka qenë e ngadaltë për ta marrë parasysh këtë. Po kështu edhe qeveria e Kosovës. Si vendi më i ri në Ballkan, për të mos përmendur më të varfërin dhe që ende nuk ka marrë njohjen zyrtare nga fqinji i saj Serbia, Kosova e plagosur nga lufta nuk e ka pasur të lehtë ta reklamoj veten si vend turizmi. Vendit i mungon Ministria e Turizmit. Ka vetëm dy parqe kombëtare që janë pothuajse plotësisht pa personel. Prandaj, industria e pazhvilluar turistike e Kosovës është mbështetur shumë në iniciativën e protagonistëve vendas si Katallozi”, vazhdon tutje shkrimi.
(Kosova Sot Online)
