Pas rastit në Pejë, lindin dyshime për dhu*në edhe në një shtëpi të të moshuarve në Prishtinë

Pas raportimeve për dhunë në një shtëpi të të moshuarve në Prishtinë, Prokuroria ka nisur hetimet, transmeton gazeta "Kosova Sot Online".

Lajmin e ka bërë të ditur zëdhënësja e kësaj prokurorie, Laureta Ulaj.

Sipas saj Prokurori i Shtetit ka autorizuar policinë në ndërmarrjen e veprimeve hetimore me qëllim të grumbullimit të provave dhe informatave.

“Prokuroria Themelore në Prishtinë iu njofton se pas publikimit të hulumtimit në emisionin “Kiks Kosova”, mbi dyshimet për keqtrajtim të moshuarve brenda shtëpisë së të moshuarve në Prishtinë, nga monitorimi i mediave menjëherë Prokurori i Shtetit ka autorizuar policinë në ndërmarrjen e veprimeve hetimore me qëllim të grumbullimit të provave dhe informatave. Po ashtu, iu njoftojmë se aktualisht çdo informatë lidhur me këtë çështje është duke u verifikuar e shqyrtuar nga ana e Prokurorit të Shtetit në koordinim të plotë me Policinë, andaj inkurajojmë çdo qytetar i cili ka informacione lidhur me këtë çështje të bashkëpunoj me organet e hetuesisë, me qëllim të ndriçimit të plotë të të gjitha rrethanave që ndërlidhen me këtë çështje”, tha Ulaj.

(Kosova Sot Online)