Zbulohen arsyet pse u takuan Hovenier e Escobar me Listën Srpska
Me emisarin amerikan për Ballkanin Perëndimor, Gabriel Escobar dhe ambasadorin e SHBA-ve në Kosovë, Jeffery Hovenier, janë takuar sot drejtuesit e Listës Serbe, transmeton gazeta "Kosova Sot Online".
Situata në Veriun e Kosovës ka qenë temë diskutimi.
“Përfaqësuesit e Listës Serbe me ndihmës të dërguarin special amerikan për Ballkanin Perëndimor Gabriel Escobar dhe të dërguarin amerikan në Prishtinë Jeffrey Hovenier biseduan për situatën politiko-sigurie”, thuhet në njoftimin e Listës Serbe.
Kjo parti nuk ka treguar nëse e ka pranuar kërkesën perëndimore për heqjen e barrikadave në Veriun e Kosovës.
Ka qenë kërkesë e qartë nga SHBA, Britania e Madhe dhe Gjermania që barrikadat të hiqen.
(Kosova Sot Online)
