Zelensky i bën thirrje Rusisë që të fillojë tërheqjen e forcave të saj

Presidenti i Ukrainës i bëri thirrje Rusisë që të fillojë tërheqjen e forcave të saj në Krishtlindje, transmeton gazeta “Kosova Sot Online”.

Duke folur përmes lidhjes video në Samitin e G-7, Volodymyr Zelensky i kërkoi Rusisë që të paktën të përpiqet të provojë se është e aftë të braktisë agresionin ndërsa afrohen Krishtlindjet, sipas agjencisë shtetërore të lajmeve të Ukrainës Ukrinform.

"Kjo është koha që njerëzit normalë të mendojnë për paqen, jo për agresionin," tha ai, duke shtuar, "Nëse Rusia tërheq trupat e saj nga Ukraina, ajo do të sigurojë një ndërprerje të qëndrueshme të armiqësive."

Zelensky argumentoi se përgjigja e Rusisë ndaj thirrjes do të tregonte se çfarë duan realisht rusët -- paqen apo luftën.

“Ai që solli luftën mbi ne duhet ta heqë atë”, shtoi ai.

(Kosova Sot Online)