Kërkesa e partive opozitare për dorëheqje të Qeverisë në Kuvend e pa pranueshme dhe e pa argumentuar

Shkruan: ANALISTI - Shefik Shkodra

mira e s’mirës, të bëhen bashkë, pozitë opozitë dhe paralelisht të shihet e të merret hap i mëtutjeshëm karshi të gjitha rrjedhave politike e ekonomike. Mos bëni përpjekje për një diferencim dhe diferencime të reja, se, kush është më i vogël e kush është ai i madhi. Ju të gjithë jeni njerëz përgjegjës para qytetarëve. Askush nuk do të duhej të jetë më i privilegjuar se tjetri. Atdhedashuria është mbrojtja e vendit dhe e qytetarëve të këtij vendi, jo shkatërrimi për inat të njëri-tjetrit.

ta pranoj se, nuk i di të gjitha aktet normative dhe rregulloret as të Kuvendit e as të Qeverisë. Kur është e domosdoshme të kërkohet dorëheqja e një qeverie para Kuvendit. Kur është mundësia e një rrjedhe për kërkesë të dorëheqjes, apo zgjedhje të reja. Megjithatë, mund të vijmë deri në përfundim, pavarësisht se, çfarë halli është deri te zgjedhjet e reja, me logjikën tonë: a) – Shkaktohet një vakuum i qeverisjes, një shpërdorim dhe një anarki në shërbimet administrative te qytetarët. Këta të fundit nuk i kanë faj askujt. Ata janë njerëz, që do të duhej të jenë të kyçur që nga këto paramendime për zgjedhje (dorëheqje, marrëveshje e ujdi,etj) e deri te votimet; ata duhet ta ndiejnë peshën e krejt asaj që do të shkaktohet brenda asaj kohe, deri sa të inaugurohet një qeveri e ardhshme; do të jetë e tepërt të përmenden shpenzimet në këtë kohë inflacioni, dhe kjo bëhet një vit para skadimit të afatit të rregullt të kësaj qeverie.

Lexoni edhe:

Asociacioni është një mollë sherri në zonën më të zjarrtë të Republikës së Kosovës.

Kësaj pune i thonë, “qeni të zotin s’e di” dhe as përgjegjësi e as detyrim, për obligimet ndaj qytetarëve në këtë periudhë kohore. Edhe ashtu ka mjaft probleme të përditshmërisë në të gjitha sferat, që kërkohet të jemi gjithnjë azhur. b) – Arsyen kyçe, nuk e ka gjetur opozita. Çelësi i vendosjes për zgjedhje të reja, para mandatit një vjet, nuk është i qartë para opinionit publik. Pos asaj pakënaqësisë se, pas një reformimi të mundshëm në sfera të ndryshme e edhe në atë të drejtësisë dhe gjyqësisë, dikush nga mesi i asaj opozite, do të ndihej i pakënaqur, sigurisht nga veprat e veta, secili për vetvete. Nuk është çelës për refuzimet që i bëjnë qeverisë, në mënyrë që të ngarkohet për kryerjen e disa obligimeve të Kuvendit të Republikës. Nuk është argument se, kjo qeveri nuk pajtohet me Serbinë, që të themelojë shtet mbi shtet. Nëse këtë të fundit e konsideron dikush si domosdoshmëri, na duket si paradoks. Se a duhet dhunshëm të jepet statut i tillë, kjo mbetet të shihet prej aleatëve tanë evropianë e amerikanë, e drejta jonë është të ruajmë, për aq sa mundemi integritetin territorial.

Jo lojëra e pazare. Dorëheqja në Kuvend e Qeverisë aktuale nuk është e argumentuar. Ne e kemi përmendur, dorëheqja e Qeverisë aktuale, do të thotë, vetë fajtore. Ai që po kërcënon se, javën e ardhshme, të tashme, do ta hedhim në Kuvend kërkesën, si duket, si zakonisht, është paguar ndonjë kokë zbrazët e interesxhi, sepse s’është hera e parë. Po kjo nuk do të quhet zgjidhje e problemeve të Kosovës. Këto janë vetëm disa pyka që i rrahim në trup me pamundësi të çahet lënda. Kësaj i thonë tollovi, mjaft, tash na po e vringëllojmë shpatën e interesit. E mira e s’mirës, të bëhen bashkë, pozitë opozitë dhe paralelisht të shihet e të merret hap i mëtutjeshëm karshi të gjitha rrjedhave politike e ekonomike. Mos bëni përpjekje për një diferencim dhe diferencime të reja, se, kush është më i vogël e kush është ai i madhi. Ju të gjithë jeni njerëz përgjegjës para qytetarëve. Askush nuk do të duhej të jetë më i privilegjuar se tjetri. Atdhedashuria është mbrojtja e vendit dhe e qytetarëve të këtij vendi, jo shkatërrimi për inat të njëri-tjetrit.

Shkrimet në këtë rubrikë nuk shprehin qëndrimet e gazetës "Kosova Sot Online".